தரம் 5 புலமைப்பரிசில் பரீட்சை தொடர்பான சிக்கல்களுக்கு தீர்வு கோரி ஆர்ப்பாட்டம்

Colombo (News 1st) தரம் 5 புலமைப்பரிசில் பரீட்சையின் வினாத்தாள் பிரச்சினைகளுக்கு உரிய தீர்வு வழங்குமாறு கோரி பெற்றோர்கள் பல பகுதிகளிலும் ஆர்ப்பாட்டங்களை முன்னெடுத்துள்ளனர்.

பிரதான ஆர்ப்பாட்டம் கல்வி அமைச்சுக்கு முன்பாக முன்னெடுக்கப்பட்டது.

தரம் 5 புலமைப்பரிசில் பரீட்சையின் வௌியானதாக கூறப்படும் முதலாம் வினாத்தாளின் 3 வினாக்களுக்காக அனைத்து மாணவர்களுக்கும் புள்ளிகளை வழங்க தீர்மானித்துள்ளதாக கல்வி அமைச்சு நேற்று(29) அறிவித்திருந்தது.

எனினும், இந்த தீர்மானத்தில் திருப்தி அடையமுடியாது என தெரிவித்து பெற்றோர்கள் ஆர்ப்பாட்டத்தில் ஈடுபட்டுள்ளனர்.

இந்த விடயம் தொடர்பில் கல்வி அமைச்சின் செயலாளர் திலகா ஜயசுந்தரவிடம் வினவிய போது, ஆர்ப்பாட்டத்தில் ஈடுபட்டுள்ள பெற்றோர்களில் சிலருக்கு கலந்துரையாடுவதற்காக சந்தர்ப்பம் வழங்கப்படுமென குறிப்பிட்டார்.