ஶ்ரீலங்கா சுதந்திரக் கட்சி ஜனாதிபதிக்கு ஆதரவு

Colombo (News 1st) எதிர்வரும் ஜனாதிபதி தேர்தலில் ரணில் விக்கிரமசிங்கவின் வெற்றிக்கு ஆதரவளிக்க ஶ்ரீலங்கா சுதந்திரக் கட்சி தீர்மானித்துள்ளது. இந்த தீர்மானம் இன்று(31) மாலை ஜனாதிபதி ரணில் விக்கிரமசிங்கவிற்கு அறிவிக்கப்பட்டது. ஶ்ரீலங்கா சுதந்திரக் கட்சியின் மத்திய குழு இன்று கட்சியின் தலைமையகத்தில் கூடியதுடன் எதிர்வரும் ஜனாதிபதி தேர்தலில் ஜனாதிபதிக்கு ஆதரவளிப்பது தொடர்பில் இதன்போது கவனம் செலுத்தப்பட்டது. இதன்போது ஜனாதிபதிக்கு ஆதரவளிப்பதற்கு தீர்மானிக்கப்பட்டுள்ளது.