பாவனைக்கு உதவாத கோதுமை மா தொகை கண்டுபிடிப்பு

Colombo (News 1st) சேதவத்த பகுதியில் கொள்கலன் ஒன்றில் இருந்து பாவனைக்கு உதவாத கோதுமை மா தொகை கண்டுபிடிக்கப்பட்டுள்ளது.

தலா 25 கிலோ கொண்ட 30 ஆயிரம் பொதிகள் வரை அதிலிருந்து கண்டுபிடிக்கப்பட்டுள்ளதாக நுகர்வோர் விவகார அதிகார சபை தெரிவித்துள்ளது.

நுகர்வோர் விவகார அதிகார சபைக்கு கிடைத்த முறைப்பாட்டிற்கு அமைய இந்த சுற்றிவளைப்பு மேற்கொள்ளப்பட்டுள்ளது.

இதன்போது புழுக்கள் காணப்பட்ட கோதுமை மா தொகை கண்டுபிடிக்கப்பட்டுள்ளது.

இந்த கோதுமை மா தொகையை கொண்டுவந்த நபர் தொடர்பாக இதுவரை தகவல்கள் வௌியாகவில்லை.