பதவிய - போகஹவெவ பகுதியில் பெண்ணொருவர் சுட்டுக்கொலை

Colombo (News 1st) பதவிய - போகஹவெவ பகுதியில் பெண்ணொருவர் சுட்டுக்கொல்லப்பட்டுள்ளார்.

நேற்று(05)  நள்ளிரவு 12 மணியளவில் மோட்டார் சைக்கிளில் வருகை தந்த அடையாளந்தெரியாத இருவர்  பெண் மீது துப்பாக்கிப் பிர​யோகம் மேற்கொண்டு தப்பிச் சென்றுள்ளதாக பொலிஸார் தெரிவித்தனர்.

பாலயாவெவ பகுதியைச் சேர்ந்த 73 வயதான மூதாட்டியொருவரே சம்பவத்தில் உயிரிழந்துள்ளார்.

டி-56 ரக துப்பாக்கியால் துப்பாக்கி பிரயோகம் மேற்கொள்ளப்பட்டிருக்கலாம் என  பொலிஸார் சந்தேகிக்கின்றனர்.

துப்பாக்கி பிரயோகத்திற்கான காரணம் இதுவரையில் வௌிப்படாத நிலையில் சந்தேகநபர்களை கைது செய்வதற்கான விசாரணைகள் ஆரம்பிக்கப்பட்டுள்ளன.