திக்வெல்ல துப்பாக்கிச்சூட்டில் ஒருவர் பலி

Colombo (News 1st) திக்வெல்ல - வலஸ்கல, தொரமுரே பகுதியில் இன்று(21) அதிகாலை நடத்தப்பட்ட துப்பாக்கிச்சூட்டில் ஒருவர் உயிரிழந்துள்ளதாக பொலிஸார் தெரிவித்தனர்.

மோட்டார் சைக்கிளில் பயணித்தவர் மீதே இந்த துப்பாக்கிச்சூடு மேற்கொள்ளப்பட்டுள்ளது.

வலஸ்கல பகுதியைச் சேர்ந்த 48 வயதான ஒருவரே சம்பவத்தில் உயிரிழந்துள்ளார்.

துப்பாக்கிச்சூட்டை மேற்கொண்ட சந்தேகநபர்கள் குறித்த தகவல்கள் ஏதும் வௌியாகவில்லை.

நபரொருவரிடம் இருந்து கப்பம் பெற்றுக்கொள்ளப்பட்ட சம்பவம் தொடர்பில் உயிரிழந்த நபருக்கு எதிராக நீதிமன்றத்தில் வழக்கு நிலுவையிலுள்ளமை குறிப்பிடத்தக்கது.

குறித்த துப்பாக்கிச்சூட்டு சம்பவத்திற்கும் கப்பம் பெற்ற சம்பவத்திற்கும் இடையில் தொடர்பு இருக்கலாம் என பொலிஸார் சந்தேகிக்கின்றனர்.

T56 ரக துப்பாக்கியை பயன்படுத்தியே இந்த துப்பாக்கிச்சூடு மேற்கொள்ளப்பட்டுள்ளது.