19 வயது கிரிக்கெட் போட்டியில் பிரகாசித்த 14 வயது பிரபோதா

19 வயதுக்குட்பட்ட மகளிருக்கான முக்கோண ஒருநாள் கிரிக்கெட் தொடரில் பிரகாசித்த 14 வயதான சமோதி பிரபோதா

இங்கிலாந்து இளம் மகளிர் அணிக்கு எதிரான இன்றைய ஒருநாள் போட்டியில் 14 வயதான சமோதி பிரபோதா 5 விக்கெட்டுகளை வீழ்த்தினார்.

இலங்கை 19 வயதுக்குட்பட்ட அணியை பிரதிநிதித்துவப்படுத்தும் அவர் 42 ஓட்டங்களுக்கு 5 விக்கெட்டுகளை வீழ்த்தினார்.

போட்டியில் முதலில் துடுப்பெடுத்தாடிய இலங்கை இளையோர் மகளிர் அணி 48.4 ஓவர்களில் 226 ஓட்டங்களுக்கு சகல விக்கெட்டுகளையும் இழந்தது.

பதிலளித்தாடிய இங்கிலாந்து இளம் மகளிர் அணியால் 23.3 ஓவர்களில் 118 ஓட்டங்களையே பெற்றுக்கொள்ள முடிந்தது.

அதற்கமைய இலங்கை இளையோர் மகளிர் அணி 108 ஓட்டங்களால் அபார வெற்றியீட்டியது.