அரச தொலைக்காட்சி விருது விழா : சக்தி TV, சிரச TV, TV1, நியூஸ் ஃபெஸ்ட்டுக்கு பல விருதுகள்...

Colombo (News 1st) அரச தொலைக்காட்சி விருது வழங்கும் விழாவில் சக்தி TV, சிரச TV, நியூஸ் ஃபெஸ்ட் மற்றும் TV1 ஆகியன பல விருதுகளை சுவீகரித்தன.

அரச தொலைக்காட்சி விருது விழா இம்முறை தேசிய அருங்காட்சியகக் கேட்போர் கூடத்தில் இன்று(22) நடைபெற்றது.

இதன்போது 2021 முதல் 2024ஆம் ஆண்டு வரையான அரச தொலைக்காட்சி விருதுகள் வழங்கப்பட்டன.

2021ஆம் ஆண்டின் சிறந்த புலனாய்வு செய்தி அறிக்கையிடலுக்கான விருது  நியூஸ் ஃபெஸ்ட்டின் விந்தன பிரசாத் கருணாரத்ன சுவீகரித்தார்.

2021ஆம் ஆண்டுக்கான தமிழ் மொழிமூல சிறந்த தொலைக்காட்சி புலனாய்வு தேடல் செய்தி அறிக்கைக்கான ஜூரி விருது சான்றிதழை நியூஸ் ஃபெஸ்ட்டின் ரியாஸ் ஹாரிஸ் பெற்றுக்கொண்டார்.

வருடத்தின் சிறந்த தொலைக்காட்சி தொடர் நாடக இசையமைப்பாளருக்கான விருதை சக்தி TV-யில் ஔிபரப்பாகிய 7K நாடகத்திற்காக வேர்ள் பிரஜிவ் தனதாக்கிக் கொண்டார்.

2021ஆம் ஆண்டுக்கான சிறந்த தொலைக்காட்சி இசையாக்கல் நிகழ்ச்சிக்கான விருதை சக்தி TV-யில் ஒளிபரப்பான சக்தி சுப்பர் ஸ்டார் இறுதி சுற்றுக்கான நிகழ்ச்சியை வழங்கிய தினேஸ் குமார் பெற்றுக்கொண்டார்.

2021ஆம் ஆண்டுக்கான சிறந்த தொலைக்காட்சி ஆவண நிகழ்ச்சிக்கான விருதை 'பயணம் - இராவண தேசம்' நிகழ்ச்சிக்காக சக்தி TV-யின் சுதர்சன் கனகராஜா வென்றார்.

2022ஆம் ஆண்டுக்கான சிறந்த புலனாய்வு செய்தி அறிக்கையிடலுக்கான விருதை நியூஸ் பெர்ஸ்டின் லக்மால் கிரிந்திகல தனதாக்கினார்.

2024ஆம் ஆண்டுக்கான தேசிய ஒருமைப்பாட்டை ஊக்குவிக்கும் சிறந்த சிங்கள மொழிமூல நிகழ்ச்சிக்கான விருதை 'பெத்திகட' நிகழ்ச்சிக்காக நியூஸ் ஃபெஸ்ட்டின் அசோக டயஸ் பெற்றுக் கொண்டார்.

2024ஆம் ஆண்டுக்கான ஆங்கில ஆவணமாக்கல் நிகழ்ச்சிக்கான திறமைச் சான்றிதழை 'The Dance of Gaja' நிகழ்ச்சிக்காக நியூஸ் ஃபெஸ்ட்டின் அசோக டயஸ் பெற்றார்.

2024ஆம் ஆண்டுக்கான தேசிய ஒருமைப்பாட்டை ஊக்குவிக்கும் சிறந்த ஆங்கில நிகழ்ச்சிக்கான விருதினை நியூஸ் ஃபெஸ்ட்டின் சொனாலி வனிகபதுகே வென்றார்.

சிறந்த தொலைகாட்சி நடிகைக்கான விருது திசுரி யுவனிகா வசமானது.

சிறந்த நடிகராக தனுக்க டில்ஷான் விருதை பெற்றார்.

வருடத்தின் மிகச்சிறந்த தொலைக்காட்சி தொடர் நாடக ஔிப்பதிவாளருக்கான விருது - சக்தி தொலைக்காட்சியில் ஔிபரப்பாகிய 7K நாடகத்திற்காக பெத்தும் பிரசாந்த் பெரேரா வசமானது.

வருடத்தின் மிகச்சிறந்த தொலைக்காட்சி தொடர் நாடக படத்தொகுப்பாளருக்கான விருதை சக்தி தொலைக்காட்சியில் ஔிபரப்பாகிய 7K நாடகத்திற்காக லங்கா விதானகே சுவீகரித்தார்.

வருடத்தின் மிகச்சிறந்த தொலைக்காட்சி தொடர் நாடக துணை நடிகருக்கான விருது - சக்தி தொலைக்காட்சியில் ஔிபரப்பாகிய 7K  நாடகத்திற்காக தர்சன் தவராஜ் வசமானது.

வருடத்தின் மிகச்சிறந்த தொலைக்காட்சி தொடர் நாடக துணை நடிகைக்கான விருது - சக்தி தொலைக்காட்சியில் ஔிபரப்பாகிய 7K நாடகத்திற்காக மோனிசா பாக்கியராஜா வெற்றிகொண்டார்.

அவர் சார்பில் நாடகத்தின் இயக்குநர் விருதினை பெற்றுக் கொண்டார்.

வருடத்தின் மிகச்சிறந்த நடிகருக்கான விருது - சக்தி தொலைக்காட்சியில் ஔிபரப்பாகிய 7K நாடகத்திற்காக சுதர்சன் ரவீந்திரன் வசமானது.

வருடத்தின் மிகச்சிறந்த நடிகைக்கான விருதை சக்தி தொலைக்காட்சியில் ஔிபரப்பாகிய 7K நாடகத்திற்காக கவிப்பிரியா மனோகரன் சுசீகரித்தார்.

தமிழ் மொழிமூலமான மிகச்சிறந்த தொலைக்காட்சி திரைப்படத்திற்கான விருது - சக்தி தொலைக்காட்சியில் ஔிபரப்பாகிய அதிரா தொலைக்காட்சி திரைப்படத்திற்காக இயக்குநர் சுதர்சன் கனகராஜா வென்றார்.

தமிழ் மொழிமூலமான சிறந்த தொலைக்காட்சி தொடர் நாடக திரைவசனத்திற்கான விருது - சக்தி தொலைக்காட்சியில் ஔிபரப்பாகிய 7K  நாடகத்திற்காக கனகராஜா தினேஸ்குமார் சுசீகரித்தார்.

வருடத்தின் மிகச்சிறந்த தொலைக்காட்சி தொடர் நாடக இயக்குநருக்கான விருதை சக்தி தொலைக்காட்சியில் ஔிபரப்பாகிய 7K நாடகத்திற்காக கனகராஜா தினேஸ்குமார் வென்றார்.

வருடத்தின் மிகச்சிறந்த தமிழ் மொழிமூலமான தொலைக்காட்சி நாடகத்திற்கான விருது - சக்தி தொலைக்காட்சியில் ஔிபரப்பாகிய 7K நாடகத்தை தயாரித்தமைக்காக சக்தி TV அலைவரிசைக்கு கிடைத்தது.

சிறந்த தொகுப்பிற்கான திறமை சான்றிதழ் - சக்தி தொலைக்காட்சியில் ஔிபரப்பான அமாயா நாடகத்திற்காக மனோஜ் ராஜன் வசமானது.

அமாயா நாடகத்தில் நடித்த ஜொனி அப்ரியனிற்கு சிறந்த நடிகருக்கான திறமை சான்றிதழ் வழங்கப்பட்டது.

சிறந்த தொலைக்காட்சி அனிமேசன் தயாரிப்பிற்கான திறமை சான்றிதழை சக்தி தொலைக்காட்சியில் ஔிபரப்பான 'க்ரைம் ஸ்ரோரி தீம்' நிகழ்ச்சிக்காக புத்திக்க திசாநாயக்க சுவிகரித்தார்.