33 ரயில் சேவைகள் இரத்து - ரயில்வே திணைக்களம்

Colombo (News 1st) இன்றைய தினத்திற்குள் 33 ரயில் சேவைகள் இரத்து செய்யப்படும் என ரயில்வே திணைக்களம் தெரிவித்துள்ளது.

இன்று முற்பகல் பயணிக்கவிருந்த 10 ரயில் சேவைகளும் இதில் உள்ளடங்குவதாக குறிப்பிடப்பட்டுள்ளது.

ஏனைய 23 ரயில்களும் இன்று பிற்பகல் சேவையில் ஈடுபடுத்தப்பட வேண்டியவை என ரயில்வே திணைக்களம் தெரிவித்துள்ளது.

ரயில் சாரதிகள் மற்றும் ரயில் உதவியாளர்கள் சேவைக்கு சமுகமளிக்காமை காரணமாக இவ்வாறு ரயில் சேவைகள் இரத்துச் செய்யப்பட்டுள்ளன.