280 மில்லியன் பெறுமதியான போதைப்பொருட்களுடன் ஹரக் கட்டாவின் 2 உதவியாளர்கள் கைது

Colombo (News 1st) 280 மில்லியனுக்கும் அதிக பெறுமதியுடைய போதைப்பொருட்களுடன் ஹரக் கட்டாவின் உதவியாளர்கள் இருவர் கைது செய்யப்பட்டுள்ளனர்.

இராணுவ புலனாய்வு பிரிவிற்கு கிடைத்த தகவலுக்கமைய சுற்றிவளைப்பு மேற்கொள்ளப்பட்டது.

பொலிஸ் விசேட அதிரடிப்படையினருடன் இணைந்து பிலியந்தலை பகுதியில் மேற்கொள்ளப்பட்ட சுற்றிவளைப்பின் போதே இவர்கள் கைது செய்யப்பட்டுள்ளார்.

இருவரும் நாட்டில் பாரியளவிலான போதைப்பொருள் கடத்தல்காரர்கள் என்பது தெரியவந்துள்ளது.

அத்துடன், திட்டமிட்ட குற்றச்செயல்களில் ஈடுபடும் ஹரக் கட்டா மற்றும் அவருடன் நெருங்கிய தொடர்புகளை பேணும் ஆமி சூட்டி எனும் நபரின் போதைப்பொருள் செயற்பாடுகளை முன்னெடுக்கும் பிரதான உதவியாளர்கள் என்பதும் விசாரணைகளில் தெரியவந்துள்ளது.

41 மற்றும் 53 வயதான சந்தேகநபர்களே இவ்வாறு கைது செய்யப்பட்டுள்ளனர்.

இந்த சம்பவம் தொடர்பில் பொலிஸ் போதைப்பொருள் ஒழிப்புப்பிரிவினால் மேலதிக விசாரணைகள் முன்னெடுக்கப்பட்டு வருகின்றன.